"Мы вясну гукаем!"
Падарожжа ў свет вясновых прыгод выхаванцаў сярэдніх і старэйшых груп
Вясна! Вясна красна!
Цёплае сонейка!
Прыйдзі хутчэй,
Сагрэй дзяцей!
Дзеці і педагогі «Сонечнага гарадка» адправіліся на пошукі Вясны, якую зачаравала і схавала Цемра-цямнюткая. Знайсці дарогу да Вясны аказалася не проста, але казачныя героі, якіх на шляху сустрэлі нашы выхаванцы, з радасцю дапамаглі, бо нашыя дзеці былі ветлівымі і выхаванымі, вясёлымі і дружнымі.
Усе перашкоды былі пройдзены, і дзеці адшукалі ключ ад варот, за якімі ў зняволенні знаходзілася Вясна. Усе разам, радасныя і шчаслівыя, з вялізным задавальненнем спявалі песні і танцавалі, гулялі ў вясёлыя гульні, вадзілі карагоды.
І, як сімвал веснавога абуджэння і перамогі цяпла і радасці, усе разам упрыгожылі галінкі дрэў, кустоў рознакаляровымі самаробнымі птушкамі, падрыхтаванымі да свята выхаванцамі і педагогамі.
